Hetta varð sagt um Tórsgøtu

Fríggjadagin viðgjørdi Dagur og vika ætlanirnar hjá Tórshavnar Býráð um miðbýin í Havn. Í tí sambandi gjørdu vit eina samrøðu við Heðin Mortensen, borgarstjóra. Útgangsstøðið var tann sonevnda handilsgøtan, Dr. Jacobsensgøta, har vit fyrr um dagin høvdu verið ein túr við Albert Isfeldt, arkitekti.

Kommunalir bygningar, Tórshavn

Men Heðin Mortensen fer av sínum eintingum at tosa um m.a. Tórsgøtu, sum er mentanargøtan í býnum. Hann nevnir bygningar, sum kommunan eigur og ætlar at selja. Seinni hevur Heðin Mortensen líkasum lagt journalistin undir at misskilja tað hann segði, ella klipt saman so tað passar inn í eina góða søgu.

Í lesarabrævi skrivar Heðin Mortensen m.a.: "Hvussu nakar kann ímynda sær, at vit fóru at selja t.d. Reinsaríið, gongur yvir alt vanligt vit og skil. Eg vísti á, at kommunan átti hesar bygningar, men tað mátti verið sjálvsagt, at tað eru aðrir av okkara bygningum, sum skulu seljast. Í Tórsgøtu og aðrastaðni í grannalagnum."

Fyri at eingin ivi skal vera um nakað, leggja vit her tað óredigeraða brotið út.