Eingin FM-spenningur

27.07.2022 - 09:26
ÍtrótturKappróður
Eingin FM-spenningur
Sjáldan hevur so lítil spenningur verið á ólavsøku um hvør verður føroyameistari í kappróðri sum í ár
5-mannafarið Tjaldrið við kvinnum hevur ongu tryggjað sær føroyameistaraheitið áðrenn ólavsøkuróðurin. Hetta er fyrstu ferð síðani 1973 at Tjaldrið úr Runavík vinnur føroyameistaraheitið við gentum
 

Alt er mestsum avgjørt longu fyri ársins seinasta róður. Summar manningar hava longu vissað sær FM-heitið, hjá øðrum er leiðslan so trygg, at tað skal ganga óvanliga illa í hond ólavsøkuaftan, um meistaraheitið skal gleppa teimum av hondum.

Yvirhøvur hava ov fáar kappingarførar manningar verið í fremstu røð í summar. Á undanfarnu seks stevnunum hevur sami bátur ofta vunnið á hvørjum sinni. Og tá er rímiligt lítil spenningur eftir í FM-kappingini, tá ólavsøkan kemur.

Vinnandi báturin fær sjey stig, nummar tvey fær seks stig, nummar trý fimm og soleiðis aftureftir.

 

Fjúrtan róðrar

Í alt eru fjúrtan róðrar á ólavsøku. Børnini rógva fyrst. Dreingirnir eru so nógvir, at bátarnir mugu flokkast í tveir riðlar. Síðani verður ein finaluróður millum tíggju teir fremstu. Gentubátarnir rógva allir í senn. Harumframt er ein sonevndur masters-kvinnuróður - fyrr kallað old girls. Og síðani koma teir vialingu FM-róðrarnir - níggju í alt.

Kringvarpið vísir allar róðrarnar uttan innleiðandi dreingjaróðrarnar fyri børn. Byrjað verður at senda kl. 14:30.

 

Skráin er henda (við klokkutíðum):

13:30 Barnaróður/dreingir (riðil 1)
13:45 Barnaróður/dreingir (riðil 2) 
14:30 Barnaróður - gentur
15:00 Barnaróður - dreingjafinalan
15:20  6. mannafør kvinnur (masters)
15:40  5. mannafør gentur (14-16 ár)
16:00  6. mannafør kvinnur
16:20  5. mannafør dreingir (14-16 ár)
16:30  8. mannafør
16:40  5. mannafør gentur (17-18 ár)
17:00  6. mannafør menn
17:10  5. mannafør dreingir (17-18 ár)
17:30  10. mannafør
17:50  5. mannafør kvinnur


FM-støðan

Niðanfyri sæst, hvørjir fremstu tríggir bátarnir í FM-kappingini eru í øllum róðrum:

Barnaróður (gentur)
Sílið 35 stig
Kollur 28
Ørnin 27

 

Barnaróður (dreingir)
Dúgvan 35
Sævarmoy 26
Knúkur 24

 

6. mannafør kvinnur (masters)
Fortuna 7
Tvørábáturin 6
Sjódrekin 5

 

5. mannafør gentur (14-16 ár)
Kjósin 38
Malunarhav 31
Títlingur 27

 

6. mannafør (kvinnur)
Jarnbardur 42
Froðbingur 36
Sundabáturin 30

 

5. mannafør dreingir (14-16 ár)
Sílið 40
Báran 31
Heykur 29

 

8. mannafør
Knørrur 42
Argjabáturin 36
Miðvingur 28

 

5. mannafør gentur (17-18 ár)
Fípan Fagra 42
Teistin 31
Firvaldur 31

 

6. mannafør (menn)
Páll Fangi 42
Hósvíkingur 35
Skúgvur 31

 

5. mannafør dreingir (17-18 ár)
Jallurin 42
Blikur 35
Tambar 31

 

10. mannafør
Klaksvíkingur 41
Norðingur 37
Havnarbáturin 29

 

5. mannafør (kvinnur)
Tjaldrið 41
Blikur 31
Leikalind 29

Er kopiera
Nýggjastu sendingar í ÚV
Mánadag 8. august
Morgunlestur mánadagur 8. august 2022
143006
Sunnudag 7. august
Guðstænasta úr Christianskirkjuni
143022
Sunnudag 7. august
Møti úr Kristnastovu í Keypmannahavn.
142929
Leygardag 6. august
Morgunlestur leygardagur 6. august 2022
142558
Nýggjastu sendingar í SV
Týsdag 2. august
Úr savninum: Urtagarðurin (4:8)
142876
Týsdag 2. august
Úr savninum: Urtagarðurin 5:8
142875
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750