Fleiri beinbrot í natúruni

06.08.2022 - 13:13
Aktuelt
Fleiri beinbrot í natúruni
Ikki færri enn fýra ferðir eru útlendingar hesa vikuna komnir so mikið illa fyri úti í føroysku natúruni, at teir hava havt brúk fyri sjúkraflutningi.
 

Serliga eru tað tey, ið ganga í fjøllunum, ið kunnu koma so mikið illa fyri, at boð verða send eftir sjúkraflutningstænastuni.

Vakthavandi á Politistøðini í Havn sigur, at tvær ferðir eru boð send eftir hjálp, tí ferðafólk á Kallinum norðast á Kalsoynni hava brotið beinið.

Eisini var ein útlendingur áhældsin á Norðradalsskarði og breyt beinið, og hjálp mátti somuleiðis fáast til ein útlending, sum var staddur í Nólsoy og hevði brotið sær armin.

- Ígjøgnum summarið fáa vit fleiri slíkar fráboðanir, men tað er meira sjáldan, at so nógv av hesum hevur verið í einu og somu viku, sigur vakthavandi.

Friðarligt í Klaksvík
Annars letur politiið væl at, at tað hevur verið nøkulunda friðarligt, nú túsundtals fólk hava verið savnað til Summarfestivalin í Klaksvík.

- Í nøkrum fáum førum hava verið spentar støður, men av tí at vit hava havt fólk á staðnum, hevur borið til at kyrrað so hvørt, sigur vakthavandi á Politistøðini í Havn.

Eitt fólk verður skuldsett fyri ikki at hava viljað uppgivið sítt navn, og eitt fólk varð burturvíst, tí tað ikki vildi flyta seg eftir boðum frá politiinum.

Er kopiera
Nýggjastu sendingar í ÚV
Mánadag 8. august
Morgunlestur mánadagur 8. august 2022
143006
Sunnudag 7. august
Guðstænasta úr Christianskirkjuni
143022
Sunnudag 7. august
Møti úr Kristnastovu í Keypmannahavn.
142929
Leygardag 6. august
Morgunlestur leygardagur 6. august 2022
142558
Nýggjastu sendingar í SV
Týsdag 2. august
Úr savninum: Urtagarðurin (4:8)
142876
Týsdag 2. august
Úr savninum: Urtagarðurin 5:8
142875
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750