Ellemann: Ikki óvæntað, at Pape bjóðar av

- Eg má viðganga, at hetta eru ikki stórtíðindini í donskum politikki. Vit eru nøkur, sum væntaðu at boðini fóru at koma.

Tað sigur Jakob Ellemann-Jensen, formaður í Vinstraflokkinum í Danmark, nú Søren Pape Poulsen, formaður í Konservativa fólkaflokkinum, í morgun boðaði frá, at hann bjóðar seg fram sum forsætisráðharra í Danmark. 

Søren Pape Poulsen segði, at tað er tann av teimum báðum, sum fær flest umboð, ið stuðla viðkomandi, sum skal verða forsætisráðharri. Tí er avgerandi, hvønn teir borgarligu flokkarnir vísaá, Pape ella Ellemann-Jensen.

Søren Pape Poulsen - Mynd: Ritzau Scanpix

Søren Pape Poulsen, formaður í Konservativa flokkinum fer eftir forsætisráðharrasessinum. (Mynd: Ritzau Scanpix)

Størsti flokkur eigur servuna

Jakob Ellemann-Jensen er ikki samdur við hesum sjónarmiðinum. Hann sigur við DR, at tað er natúrligt, at tað er tann størsti flokkurin, ið sleppur at serva. Soleiðis hevur siðvenjan altíð verið. 

Hann sigur eisini:

- Eg haldi, at Søren Pape Poulsen kann liva við at vera ráðharri í eini stjórn, har eg eri forsætisráðharri. Og eg kann eisini liva við at vera ein ráðharri í eini stjórn, har Søren Pape Poulsen er forsætisráðharri, sigur Jakob Ellemann-Jensen.

Kaj Joensen, journalistur, segði soleiðis um støðuna í tíðindunum á middegi: