Mette Frederiksen: Hetta er ein hurlivasi

- Hetta er ein hurlivasi. Vit vita ikki, hvør er andstøðuleiðari, og heldur ikki, hvør kann væntast at gerast forsætisráðharri.

Tað sigur Mette Fredriksen, forsætisráðharri og forkvinna í danska Javnaðarflokkinum, nú tað fyrr í dag gjørdist greitt, at bæði Jakob Ellemann-Jensen, formaður í Vinstraflokkinum, og Søren Pape Poulsen, formaður í Konservativa fólkaflokkinum, bjóða seg fram sum forsætisráðharra í Danmark.

Mette Fredriksen sigur við DR, at tað er ein ruðuleiki, tá ið andstøðan ikki hevur funnið út av, hvønn hon vil hava at vera forsætisráðharra. 

Ellemann ella Pape

Søren Pape Poulsen segði í morgun, at tað er tann av teimum báðum á borgarliga veinginum, sum hevur flest umboð, ið stuðla viðkomandi, sum skal verða forsætisráðharri. Tí er avgerandi, hvønn teir borgarligu flokkarnirvísa á, Pape ella Ellemann-Jensen.

Jakob Ellemann-Jensen teku ikki undir við hesum sjónarmiðinum. Hann sigur við DR, at tað er natúrligt, at tað er tann størsti flokkurin, ið sleppur at serva. Soleiðis hevur siðvenjan altíð verið. 

Hann sigur eisini:

- Eg haldi, at Søren Pape Poulsen kann liva við at vera ráðharri í eini stjórn, har eg eri forsætisráðharri. Og eg kann eisni liva við at vera ráðharri í eini stjórn, har Søren Pape Poulsen er forsætisráðharri, sigur Jakob Ellemann-Jensen.