- Tíðindi, mentan og ítróttur
Danmark fingið koppingarevni fyri apukoppar
Danmark fingið koppingarevni fyri apukoppar
Serumstovnurin hevur fingið 10.000 skamtar av koppingarevni
Mynd: Ritzau Scanpix
16.08.2022 - 15:51
Fyrstu skamtarnir av koppingarevni fyri apukoppar eru nú komnir til Danmarkar.
Danski Serumstovnurin fekk fyrrapartin 10.000 skamtar av koppingarevni fyri apukoppar, og í næstum verða skamtarnir býttir út til regiónirnar.
Tað skrivar Serumstovnurin á heimasíðuni.
- Tað er sera gott, at vit við hesum koppingarevninum kunnu hjálpa til at verja tey, sum eru mest útsett, at fáa at apukoppar, sigur stjórin í danska Serumstovninum, Henrik Ullum.
Í farnu viku góðkendi Fólkatingið at keypa hesar 10.000 skamtarnar av koppingarevni frá Bavarian Nordic, sum er ein donsk heilivágsfyritøka.
Serumstovnurin heldur framvegis, at vandin fyri, at apukoppar breiða seg í danska samfelagnum, er sera lítil.
Nýggjastu sendingar í ÚV
Nýggjastu sendingar í SV