295 fleiri løntakarar í juli

295 fleiri løntakarar vóru í juli í ár enn í juli í fjør. Í alt vóru 28.158 løntakarar í juli. 

Tað vísa nýggjastu tølini hjá Hagstovuni

Ongantíð hava so nógv fólk arbeitt í privatu vinnuni sum nú. Í juli arbeiddu 9.233 fólk í privatu vinnuni, og tað eru 285 fólk fleiri enn sama tíðarskeið í 2019, sum var metár. 

Flest í almenna geiranum 

Tað er tó í alenna geiranum, at flest fólk arbeiða. Har vóru 10.386 løntakarar í juli. 

Býtt millum kynini vóru nágreiniliga 900 fleiri menn enn kvinnur.  

6,2 prosent av øllum løntakarum í juli høvdu annan enn danskan ríkisborgararætt, og tey arbeiða serliga í gistingarhús- og matstovuvinnuni og í fiskaídnaðinum.