Pisaroyndir og landsroyndir halda fram

17.08.2022 - 08:28
AktueltPolitikkur
Pisaroyndir og landsroyndir halda fram
Jenis av Rana, landsstýrismaður, sigur, at endamálið við royndunum er at menna fólkaskúlan
Landsstýrismaðurin í mentamálum sigur, at nógv menning er hend í fólkaskúlanum síðani fyrstu pisakanningina í 2006. (Savnsmynd)
 

Pisaroyndirnar og landsroyndirnar halda fram.

Tað sigur Jenis av Rana, landsstýrismaður, sum hevur svarað Jóhannisi Joensen, løgtingsmanni.

Hann spurdi um pisaroyndir og landsroyndir í fólkaskúlanum.   

 

Menna skúlan

Yvirskipaða endamálið við pisaroyndum og landsroyndum er at menna føroyska fólkaskúlan, sigur Jenis av Rana.

Hann sigur eisini, at nógv menning er hend í fólkaskúlanum síðani fyrstu pisakanningina í 2006, millum annað, tí tilmæli í pisafrágreiðingum eru brúkt.

Landsroyndarúrslitið vísir ikki heildarúrtøkuna hjá næmingunum. 

Tí skal úrslitið í landsroyndini ikki standa einsamalt, men skal skiljast sum eitt ískoyti til regluligu eftirmetingina hjá skúlanum av úrtøkuni hjá næminginum í dagligu undirvísingini í avvarðandi lærugrein, stendur í svarinum hjá Jenisi av Rana. 

 

Kostaði 800.000 kr. 

Seinast, pisaroynd var, tað var í 2019, kostaði hon slakar 800.000 kr.

Í ár er hon mett at kosta 600.000 kr. 

Landsroyndirnar eru mettar at kosta 380.000 kr. í ár.
 


 

Er kopiera
Nýggjastu sendingar í ÚV
Fríggjadag 9. desember
Góðan morgun Føroyar 09. desember 2022
149185
Fríggjadag 9. desember
Morgunlestur fríggjadagur 9. desember 2022
148413
Hósdag 8. desember
RagnarRokk: Tim Bowness um Butterfly Mind
148284
Hósdag 8. desember
RagnarRokk: David Readman um Medusa
148283
Hósdag 8. desember
Góðan morgun Føroyar 08. desember 2022
149097
Nýggjastu sendingar í SV
Hósdag 8. desember
Løgtingsval 2022
149167
Mikudag 7. desember
Valfundur á Skúlatrøð, Klaksvík
149039
Týsdag 6. desember
Framsókn í Tinginum
148999
Mánadag 5. desember
Sjálvstýri í Andglettinum
148753