Árabáturin holvdist vestan fyri Írland

Árabáturin við tveimum føroyskum rógvarum, sum var á veg til Føroya, fekk í morgun so mikið stóran skaða, tá ið hann fekk ein sjógv, at rógvararnir máttu sleppa sær av bátinum. Hetta hendi umleið 800 fjórðingar úr Føroyum. 

Rógvararnir bjargaðu sær í ein gummibjargingarbát, og teir reka nú fyri vág og vind vestan fyri Írland. 

Bretar taka sær av bjargingini, og sambært MRCC Tórshavn, er eitt skip 20 fjórðingar frá teimum.

Rógvararnir hava róð úr Miami í USA um Atlantshavið, og vóru á veg til Føroya. 

Meira verður at frætta seinni.