56 fólk úr Ukraina hava uppihaldsloyvi í Føroyum

Higartil hava 56 fólk úr Ukraina fingið uppihaldsloyvi í Føroyum eftir serlógini, sum kom í apríl.

Útlendingastovan veit um fýra fólk, sum eru farin aftur til Ukraina.

Tey flestu búgva í Havn, og tey flestu hava fingið arbeiði.

Meginreglan er, at uppihaldsloyvið er galdandi til 17.mars 2024, tá serlógin um uppihaldsloyvi fer úr gildi aftur.

Stutt málsviðgerð

Útlendingastovan sigur, at avgreiðslutíðin hjá málum eftir serlógini hevur verið sera stutt, tríggjar til fimm dagar í miðal.

Umsóknir verða viðgjørdar í Udlændingestyrelsen eftir teimum treytum, sum eru ásettar í serlógini. Um umsøkjari heldur hesar treytir, verður uppihaldsloyvið latið. 

Mest sum øll, sum fingið uppihaldsloyvi eftir serlógini, hava ukrainskan ríkisborgararætt, og eru farin úr heimlandinum eftir 24.februar, tá Russland leyp á Ukraina.

Í vár segði landsstýrið, at 200 flóttafólk úr Ukraina kundu koma til Føroya.