Summarfestivalurin hevur bestu kvinnuumboðanina

Summarfestivalurin er á odda, tá ið ræður um kvinnuumboðan í summar.  

Kendi festivalurin í Klaksvík, við slagorðinum "Har hittini hittast", hevur í nógv ár havt fáar kvinnur á skránni, men hetta er nú broytt.

Erik Biskupstø, Summarfestival 2023

- Summar Festivalurin skal umboða alt samfelagið, og tað er jú bæði menn og kvinnur. Tá skráin verður løgd, hava vit hetta í huga, sigur Erik Biskupstø, fyriskipari av Summarfestivalinum.

Í mong ár hevur G!festivalurin havt størstu kvinnuumboðanina á føroysku festivalskránni. Vanliga hevur hon ligið millum 30-35 prosent Men í fjør fór Summarfestivalurin framum, og eisini í ár er hann tann festivalurin, sum hevur flestar kvinnur á skránni.

Hoyr innslag, sum Bjartur Sigmundarson legði til rættis:

Í innslagnum hoyrdu vit Erik Biskupstø, fyriskipara av Summarfestivalinum, Jenný Agustudóttir Kragesteen, forfólk í Tónleikasambandinum, og Marionnu Winther Nagata, samskipara í Tónleikasambandinum. 

Vit hoyrdu eisini upptøkur av konsert hjá Guðrið Hansdóttir, Kristinu Bærentsen og Lenu Anderasen á Summarfestivalinum. Og av Eivør á G! festivalinum.