Seinsummardagar eru á Sandi

Um vikuskiftið eru seinsummardagar á Sandi.

Hetta er eitt ókeypis tiltak, sum Sands kommuna skipar fyri í samstarvi við Ungmannafelagið Virkið og Visit Sandoy.

Lagt varð til brots í gjár, tá millum annað bál og felagssangur vóru á Hamri og kafékvøld var í Virkinum við livandi tónleiki og Pub Quiz.

Seinsummardagar á Sandi 2022

Klokkan tíggju varð farið í gongd við bróðurpartin av skránni, sum er í dag, og byrjað varð við morgunmati á Kommunuskrivstovuni.

Allan dagin er alt møguligt á skránni, so sum framsýningar, framførslur og ymiskt annað - bæði fyri børn og vaksin - og ikki minst er nógvur sangur og tónleikur.

Seinsummardagarnir á Sandi enda seinnapartin í morgin.

Tróndur Vatnhamar í Vikuskiftissendingini í útvarpinum tosaði við Bryndis í Dali frá Visit Sandoy um Seinsummardagarnar.