Kurstap ávirkaði úrslitið hjá Betri

Betri Banki hevði 17 milliónir krónur í avlopi fyrra hálvár í ár. 

Tað er eitt munandi verri úrslit enn fyrra hálvár 2021, tá ið avlopið var 67 milliónir krónur. 

Kurstap á lánsbrøvum er sambært hálvársfrásøgnini orsøkin til, at avlopið ikki er størri. 

Fyrra hálvár hevði bankin eitt kurstap upp á 41,8 milliónir krónur, sum er 39 milliónir krónur meira enn sama tíðarskeið í fjør. 

Vænta 60-90 mió. kr. í avlopi í ár

Hóast slaka úrslitið fyrra hálvár, so heldur bankin kortini fast í metingini úr ársfrásøgnini fyri 2021, har mett varð, at avlopið í 2022 fer at liggja millum 60 og 90 milliónir krónur, tí mett verður, at seinna hálvár ikki í sama mun verður ávirkað av kurstapum. 

Harnæst metir bankin, at rentutillagingarnar fara at ávirka soleiðis, at úrslitið fyri alt 2022 fer at liggja innan fyri upprunaligu metingina, sum er millum 60 og 90 milliónir krónur. 

Jean Djurhuus

Jean Djurhuus er stjóri í Betri banka.

Nøktandi úrslit

Jean Djurhuus, stjóri í Betri banka, sigur, at eftir umstøðunum er úrslitið fyrra hálvár nøktandi, hóast tað er 50 milliónir kr. minni enn somu tíð í fjør: