Velja nýggjan borgarstjóra í annaðkvøld

Vestmanna skal hava nýggjan borgarstjóra eftir Paula Trond Petersen.

Eyka bygdarráðsfundur verður á kommunuskrivstovuni í Vestmanna í annaðkvøld klokkan 20, har fýra mál eru á skránni, sum øll snúgva seg um borgarstjóraskiftið:

Tað var týsdagin, at Pauli Trond Petersen boðaði kommununi frá, at hann ynskti at leggja frá sær.

Verið í farloyvi

Hann hevur verið í farloyvi seinastu mánaðarnar, og hevur verið til fiskiskap við Vestmenningi hesa tíðina. 

Pauli Trond Petersen heldur fram sum vanligur bygdarráðslimur valskeiðið út, og stillar síðani ikki uppaftur. Heldur ikki í landspolitikki, har hann hevur umboðað Tjóðveldi í løgtinginum.

Varaborgarstjóri í Vestmanna er Bjørg á Rógvi. Hon hevur røkt borgarstjórastarvið, meðan Pauli Trond Petersen hevur verið í farloyvi.

Bjørg á Rógvi

Bjørg á Rógvi hevur verið borgarstjóri, meðan Pauli Trond Petersen hevur verið í farloyvi.