Aðalráð tulka navnalógina ymiskt

Navnalógin verður tulkað á ymsan hátt í Umhvørvis- og Vinnumálaráðnum.

Magnus Rasmussen, landsstýrismaður í umhvørvis- og vinnumálum, svaraði herfyri Hervør Pálsdóttur, løgtingskvinnu, at hóast hugtakið sammóðir ikki var við, tá navnalógin var samtykt, kunnu børn fáa eftirnavnið hjá sammóður.

Umhvørvis- og Vinnumálaráðið, sum umsitur navnalógina, sigur, at tí er ikki neyðugt at broyta lógina.

Men Umhvørvisstovan, sum er navnamyndugleiki og er í Umhvørvis- og Vinnumálaráðnum, segði nakað heilt annað longu í juni.

Jenis av Rana

Jenis av Rana, landsstýrismaður.

Kann ikki fáa eftirnavn hjá sammóður

Sambært Jenisi av Rana, landsstýrismanni, boðaði Umhvørvisstovan fólki frá 10.juni, at navnalógin er ikki broytt.

Umhvørvisstovan metir tí, at barn sambært verandi navnalóggávu ikki kann fáa eftirnavnið hjá sammóður.

Jenis av Rana hevur svarað spurningi frá Ingilín D. Strøm. løgtingskvinnu. Umhvørvis- og Vinnumálaráðið hevur rættin at tulka navnalógini.

Og her eru tvær tulkingar. Onnur er, at ikki er neyðugt at broyta navnalógina.

Sambært hinari krevst broyting, skal barn hava eftirnavn hjá sammóður.

Ingilín Didriksen Strøm, sammóður, Løgtingið, løgtingsfólk

Ingilín Didriksen Strøm, løgtingskvinna.

Eingin heimild

Jógvan Fríðriksson, bispur, hevur boðað sóknarprestunum frá, at ikki er loyvt at broyta heitið hjá pápanum í kirkjubókini til sammóður ella samfaðir. 

Hetta merkir, at børn hjá samkyndum foreldrum kunnu ikki skrásetast við eftirnavninum hjá sammóður ella samfaðir.