Liz Truss er farin at skipa stjórn

Liz Truss, forsætisráðharri í Bretlandi, er so smátt farin undir at skipa nýggja stjórn.

Hon hevur tilnevnt parlamentslimin, Thérèse Coffey, sum er vinkona hennara og sameind, nýggjan heilsumálaráðharra. Hon verður eisini varaforsætisráðharri í stjórnini.

Kwasi Kwarteng verður nýggjur fíggjarmálaráðharri, meðan útbúgvingarráðharrin, James Cleverly, verður uttanríkisráðharri.

Suella Braverman verður nýggjur innanríkisráðharri.

Reinsar út

Dominic Raab, sum hevur verið løgmálaráðharri og varaforsætisráðharri, skrivar, at hann nú verður vanligur parlamentslimur. Tað sama skrivar Grant Shapps, sum hevur verið flutningsráðharri.

Sambært bretskum miðlum er Liz Truss í ferð við at reinsa stjórnina fyri ráðharrar, sum stuðlaðu Rishi Sunak, í kappingini um at gerast forsætisráðharri.

Ætlar sær til Ukraina

Liz Truss hevur tikið av eini innbjóðing frá ukrainska forsetanum, Zalanskyj, um at vitja í Ukraina.

Innbjóðingin kom í gjárkvøldið, eftir at Liz Truss, hevði tikið við sum forsætisráðharri.

Nær bretski forsætisráðharrin fer til Ukraina, er ikki greitt enn.