Níggju menn bjóða seg fram

Níggju umsóknir eru til starvið sum stjóri á Strandferðsluni. Bara menn hava søkt starvið. 

Tað upplýsir Fíggjarmálaráðið, nú freistin at søkja starvið var úti á midnátt.

Starvið sum stjóri á Strandferðsluni skal setast 1. oktober. Starvið er áramálssett til fimm ár.

Hilmar Eliasen tók við sum stjóri á SSL 1. juni í 2014. Hann var stjóri í næstan átta ár, til hann fór úr starvinum í apríl mánaða í ár.

Jóhan Petur Abrahamsen hevur verið virkandi stjóri á Strandferðsluni síðani. Hann hevur játtað at halda fram sum virkandi stjóri, til nýggjur stjóri tekur við.