Knústi glas í andlitið á øðrum manni

Ein maður síðst í 30 árunum var varðhaldsfonglsaður í 14 dagar í grundlógaravhoyrig í Føroya rætti í gjár.

Maðurin er skuldsettur fyri grovan harðskap.

Hann skal hava knúst eitt glas í andlitið á einum øðrum manni, sum fekk stóran skaða. 

Báðir útlendingar

Hetta hendi um tíggju-tíðina leygarkvøldið á einum vertshúsi í Havn. 

Báðir menninir eru útlendingar og arbeiða í Føroyum.

Politiið hevur góð prógv, tí myndir eru av hendingini.

Skammlop elvdi til royk

Um átta-tíðina í gjárkvøldið varð boðað frá royki úr elverkinum á Strond við Klaksvík.

Orsøkin var skammlop í einum elmotori, men størri skaði enn tað hendi ikki, sigur politiið.