Tað er ein stórur bági, at tað ikki verða gjørdar breiðar fjølmiðlasemjur

Innan norðurlendska miðlagransking verður arbeitt við hugtakinum “Tað norðurlendska miðlavælferðarsamfelagið”. Her verður m.a. víst á týdningin, sum miðlarnir hava fyri mentanina og fólkaræðið í Norðurlondunum. Politikarar í stóru Norðurlondunum, Svøríki, Finnlandi, Norra og Danmark, gera breiðar flokspolitiskar semjur um miðlarnar, sum røkka tvørtur um valskeið. Hetta er ein fyritreyt fyri, at vit hava eitt vælvirkandi miðlalandslag, heldur Signe Ravn-Højgaard, sum er miðlagranskari við Lærda Háskúlan í Grønlandi. 

Hendan støðan ger seg ikki galdandi í útnorði. Ongin langtíðar miðlapolitikkur er í Íslandi, Grønlandi og Føroyum, og hetta er ein stórur bági, heldur miðlagranskarin. Til dømis verða karmarnir kring miðlar, fíggingarleistir og miðlaútbúgvingar í alt ov lítlan mun tikin við, tá politikkarar í útnorði kjakast um miðlapolitikk.

Hoyr Signe Ravn-Højgaard greiða frá her:

Signe Ravn-Højgaard vísir á eitt dømi, har grønlendska KNR herfyri misti starvsfólk, tí lønin var ov lág:

Øll framløgan hjá Signe Ravn-Højgaard á miðlaráðstevnuni i Norðurlandahúsinum kann síggjast niðanfyri: