B36 kærir úrskurð um at tapa dyst

B36 fer at kæra úrskurðin hjá Aganevndini hjá Fótbóltssambandinum.

Aganevndin hevur dømt B36 at tapa 3-0 fyri B68. Úrskurðurin var sendur feløgunum ídag.

Málið snýr seg um B36-leikara, sum spældi tríggjar dystir sama leikumfar. Hetta er ikki loyvt sambært galdandi reglum, og tí kærdi B68 málið.

Dysturin, sum B36 er dømt at tapa, var spældur í 21. leikumfari. B36 vann dystin ímóti B68, sum var spældur í Gundadali 4. september, 3-1.

B36 hevur fimm dagar til at kæra dómin hjá Aganevndini til Yvirkærunevndina í Fótbtólssambandinum.

Men B36 hevur longu tikið støðu til, at kæra dómin til Yvirkærunevndina.

Hoyr Jákup Mørk, formann í B36, í útvarpstíðindunum: