Søkja aftur eftir stjóra til Fólkaheilsuráðið

Søkja aftur eftir stjóra til Fólkaheilsuráðið
Nýggja umsóknarfreistin er 7. oktober.
Sambært lógini um Fólkaheilsustýrið skal stovnurin m.a. gera tilmæli til politiska myndugleikan um ráðlegging innan fyri heilsuøkið.
Mynd: Bjarni Árting Rubeksen  
 
19.09.2022 - 08:16

Áhugin at gerast stjóri í Fólkaheilsustýrinum er ikki stórur.  Ov fáar umsóknir vóru til starvið, tá freistin at søkja var úti 1. september. 

Fýra umsóknir komu til starvið.

Neyðugt er at søkja eina ferð aftrat eftir stjóra at standa á odda fyri nýggja Fólkaheilsustýrinum, sum verður sett á stovn á nýggjárinum. 

Sambært lógini um Fólkaheilsustýrið skal stovnurin m.a. gera tilmæli til politiska myndugleikan um ráðlegging í heilsuøkinum og:

 - Ráðgeva myndugleikum og stovnum í heilsufakligum spurningum.

- Hava um hendi fólkaheilsuarbeiði, upplýsing, tiltøk innan fyri fólkaheilsu, umsita og styrkja heilsufremjandi og fyribyrgjandi partin av arbeiðinum við fólkaheilsu.

- Umsita tær uppgávur, sum í dag liggja hjá Ílegusavninum

- Veita borgarum og almenninginum kunning um heilsufaklig viðurskifti.

- Tilevna vegleiðingar og leiðbeiningar til heilsulóggávu.

- Og umsita tilbúgvingina í heilsuverkinum.

Nýggi stjórin skal skipa og byggja upp nýggja stovnin og samansjóða stovnar, sum verða lagdir undir Fólkaheilsustýrið, seta neyðugt starvsfólk aftrat stjóranum og leggja ætlan fyri arbeiðið hjá Fólkaheilsustýrinum.

Nýggja freistin til at søkja starvið er 7. oktober.
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585