Betri Trygging 40 milliónir í halli fyrra hálvár

22.09.2022 - 08:42
AktueltSamfelag
Betri Trygging 40 milliónir í halli fyrra hálvár
Ferð er komin á aftur samfelagið, og tí vóru skaðarnir nógv fleiri í ár enn í fjør, sigur felagið
Úrslitið hjá Betri Trygging versnaði munandi fyrra hálvár samanborið við somu tíð í fjør.
Mynd: Bjarni Árting Rubeksen  
 

Fyrra hálvár í ár royndist munandi verri hjá Betri Trygging, enn fyrra hálvár í fjør. 

Í ár var talan um 40 milliónir kr. í halli, afturímóti 52 milliónir kr. í avlopi í fjør, sigur felagið í tíðindaskrivi.

Ferð er komin á aftur samfelagið, og tí vóru skaðarnir nógv fleiri í ár enn í fjør. 

Tveir stórir skaðar vóru í vár, meðan eingin stórur skaði var í fjør.

Fyrra hálvár í ár vóru yvir 6.000 skaðar, næstan túsund fleiri enn fyrra hálvár í fjør.

 

Rindaðu 142 mió. fyri skaðar

Fyrra hálvár í ár vóru 142 milliónir kr. rindaðar fyri skaðar, samanborið við góðar 100 milliónir kr. fyrra hálvár í fjør.

Tryggingarinntøkurnar eru størri í ár, 232 milliónir kr. fyrra hálvár, samanborið til 218 milliónir kr. fyrra hálvár í fjør.

Solvensurin er 313 prosent, í fjør var hann 278 prosent.

 

Ingunn Eiriksdóttir er forstjóri í Betri Trygging.

 

Tvíbýtt úrslit

 - Vit kunnu siga, at hálvársroknskapurin vísir tvíbýtt úrslit. Hóast íløgurnar í løtuni geva undirskot, er tryggingartekniska úrslitið gott, og vit hava sterkt og væl rikið felag. Solvensurin er hækkaður síðani í fjør, tí álitið á felagið er gott, bæði innanlands og uttanlands, staðfestir Ingunn Eiriksdóttir, forstjóri í Betri Trygging.

Er kopiera
Nýggjastu sendingar í ÚV
Sunnudag 2. oktober
Bolero: Mozart
145641
Sunnudag 2. oktober
Mono - Dávidssálmar (4:5)
145638
Sunnudag 2. oktober
Møti: Frá mansstevnu í Zarepta
145334
Leygardag 1. oktober
Brunsj við Pól Sundskarð
145636
Leygardag 1. oktober
Plátupanelið #001: 1982
145632
Nýggjastu sendingar í SV
Leygardag 1. oktober
Innsavningartiltak hjá Bláa Krossi
145640
Mánadag 26. september
3-2
145358
Sunnudag 25. september
Sangmøti í Ebenezer.
145276
Sunnudag 25. september
Andakt við Palla Petersen
145275
Mánadag 19. september
3-2
145026