Fáa framvegis góðan prís fyri tosk

Líkt er ikki til, at prísurin á toski lækkar stórvegis, hóast toskurin misti MSC-góðkenningina í farnu viku.

Í gjár vóru bert smáar nøgdir av toski seldar á Fiskamarknaðinum, men prísurin var góður.

Toskur 1 var seldur fyri meir enn 40 kr. fyri kg., toskur 2 fyri meir enn 30 kr. kg., og toskur 3 fór fyri 25 kr. í meðal fyri kg.

Meðalprísurin á hýsu, sum hevur MSC-góðkenning, var um 23 kr. fyri kg. fyri størstu hýsuna.