Fara at gera ost í Skálavík um eitt ár

Um eitt ár ella so flytur MBM alla sína framleiðslu av ostum til Skálavíkar, har gamla fiskavirkið Lido er keypt til endamálið.

Hákun Steingrímsson, stjóri í MBM, sigur, at ætlanin er at menna fleiri nýggj sløg av ostum, og pláss verður eisini fyri aðrari framleiðslu á virkinum. Júst, hvat hon verður, er ikki avgjørt enn.

Tað fyrsta, MBM gjørdi, var at taka alt tað gamla niður í vinnubygninginum. Hesum hjálptu lokalar kreftir og fólk úr B71 við.

ostar, føroyskir ostar, føroysk framleiðsla, MBM, Meginfelag Búnaðarmanna

Ostaframleiðslan flytur úr Hoyvík til Skálavíkar.

Byggja uppaftur

Nú skal alt byggjast uppaftur, maskinur til ostaframleiðsluna flytast suður og øll neyðug loyvi fáast til vega. Alt hetta kann taka tíð, men um eitt ár ella so, er ætlanin at koma á mál.

Hákun Steingrímsson sigur, at neyðugt var at flyta framleiðsluna av osti úr virkinum í Hoyvík. Plássið var ov lítið, og eingir møguleikar vóru at byggja út.

Tað kann eisini vera óheppið at hava mjólkaframleiðslu og ostaframleiðslu undir somu lon, tí vandi er fyri, at bakteriur flyta ímillum og dálka vøruna.

Hákun Steingrímsson

Hákun Steingrímsson er stjóri í MBM.