Korona kostaði ítróttinum nógv

Korona kostaði ítróttinum í Tórshavnar kommunu nógv í fjør.

Ítróttaanlegg, tað eru hallir og vøllir, høvdu slakar tvær milliónir krónur í meirnýstlu í fjør. Meirnýtslan svarar til 13 prosent av játtanini.

Meginorsøkin eru inntøkurnar, sum vóru 36 prosent minni enn fíggjarætlanin. 

Meirnýtslan 27 prosent

Korona gjørdi, at nógv tiltøk vóru avlýst. Í lønarjáttanini er eisini meirnýtsla, hon er 27 prosent.

Tórshavnar býráð samtykti einmælt í gjár at lata ítróttaanleggum tvær milliónir krónur, sum eru tiknar frá golfvøllinum á Glyvursnesi.

Kommunan heldur ikki, at hetta ávirkar ætlaðu arbeiðini við golfvøllinum í 2023.