Sambandið flestar atkvøður

Sambandsflokkurin við Onnu Falkenberg á odda fekk 8.198 atkvøður, sum svarar til 30,2 % av samlaða atkvøðutalinum. Hetta er ein framgongd upp á 1,5 prosentstig.

Á øðrum plássi var Javnaðarflokkurin við toppskoraranum, Sjúrði Skaale, sum fekk 3.804 persónligar atkvøður. Flokkurin hevði eina framgongd upp á 2,5 prosentstig.

Tjóðveldið gjørdist nummar trý við 18,1 prosentum av atkvøðunum, ið vóru 4.927 í tali. Ovast á Tjóðveldislistanum er Bjørt Samuelsen við 958 atkvøðum. Flokkurin hevði eina lítla afturgongd upp á 0,7 prosentstig.

Síðan kom Fólkaflokkurin við 4.222 atkvøðum, ið svarar til 15,5 %. Toppskorarin er Jógvan á Lakjuni við 683 persónligum atkvøðum. Afturgongdin hjá flokkinum var 8,6 prosentstig.

Miðflokkurin og Framsókn fingu ávíkavist 4,5% og 3,4% av atkvøðunum, og toppskorarar vóru Bjarni K. Petersen og Jenis av Rana.