Anna rak sannførandi valstríð - Christian má vera greiðari

Anna Falkenberg rak eitt gott og sannførandi valstríð, men Christian Andreasen, formaður í Fólkaflokkinum, má vera greiðari um, hvat hann ætlar.

Tað sigur Uni Holm Johannesen, sum gjørdi viðmerkingar til úrslitið av fólkatingsvalinum í gjár.

Sambandsflokkurin gjørdist størsti flokkur á fólkatingsvalinum, hann fekk 30 prosent av atkvøðunum, 8.198 atkvøður. 26 ára gamla Anna Falkenberg fekk 2.973 persónligar atkvøður, og var vald.

Sambandsflokkurin fekk 1,5 prosentstig fleiri atkvøður enn í 2019.

Fólkatingsvalið 2022, Høllin á Hálsi

Valluttøkan á fólkatingsvalinum í gjár var 71,3 prosent. (Mynd: Bjarni Árting Rubeksen)

Javnaðarflokkurin gjørdist nummar tvey. Hann fekk 28,2 prosent av atkvøðunum, 7.659 atkvøður. Framgongdin er 2,3 prosentstig.

Sjúrður Skaale var afturvaldur. Hann fekk 3.804 atkvøður. 

Sjúrður Skaale, Fólkatingsvalið 2022

Sjúrður Skaale var afturvaldur. Hann fekk 3.804 atkvøður. (Mynd: Bjarni Árting Rubeksen)

Tjóðveldi gjørdist nummar trý. Flokkurin fekk 18,1 prosent. Afturgongdin er 0,7 prosentstig.

Christian Andreasen, Fólkatingsvalið 2022

Fólkaflokkurin hevði stóra afturgongd á valinum í gjár. Christian Andreasen, floksformaður, má vera greiðari um, hvat hann ætlar, sigur politiskur viðmerkjari. (Mynd: Bjarni Ártin Rubeksen)

Fólkaflokkurin fekk 15,5 prosent, afturgongdin er 8,6 prosentstig.

Miðflokkurin fekk 4,5 prosent. Hann stillaði ikki upp í 2019.

Og Framsókn fekk 3,4 prosent, framgongdin er eitt prosentstig.

Valluttøkan í gjár var 71,3 prosent.

Hoyr samrøðu, sum Sigmar Bláberg gjørdi við Una Holm Johannesen, viðmerkjara, í útvarpstíðindunum: