Mette er nú virkandi forsætisráðharri

Mette Frederiksen, forsætisráðharri, hevur verið hjá drotningini og biðið um, at stjórnin verður loyst úr starvi.

Hóast flokkarnir á reyða veingi hava tilsamans 90 sessir, tá grønlendsku fólkatingskvinnurnar og Sjúrður Skaale verða tald við, so hevur Mette Frederiksen boðað frá, at hon í fyrstu syftu fer at royna at skipa stjórn tvørtur um politisku miðjuna.

Stjórnin hjá Mette Frederiksen er nú starvsstjórn, og hon er virkandi forsætisráðharri, til nýggj stjórn er skipað.

Væntandi fara flokkarnir seinni í dag hvør sær til drotningina at boða frá, hvør teir halda skal fáa litið upp í hendur at skipa stjórn.