Fangar latnir leysir í Myanmar

Herleiðslan í Myanmar hevur gjørt av at lata 6.000 fangar leysar á tjóðardegnum, sum er í dag.

Tað skrivar Reuters, við herleiðsluni sum keldu.

Millum teirra, sum eru latin leys, eru fleiri útlendingar, m.a. avstralski búskaparfrøðingurin, Sean Turnell, sum var ráðgevi hjá fyrrverandi forsætisráðharranum, Aung San Suu Kyi.

Suu Kyi rikin frá valdinum 

Herurin tók valdið í landinum í februar í fjør. Tá var Suu Kyi rikin frá valdinum og fongslað, og hon er síðani dømd fongsulsrevsing fleiri ferðir. Nógv lond hava funnist at framferðini hjá hernaðarjuntuni.

Bretin, Vicky Bowman, sum var sendiharri í Myanmar frá 2002 til 2006, er eisini latin leysur.

Sean Turell var ákærdur fyri at hava brotið eina lóg um ríkisloynidómar, og Vicky Bowman var ákærdur fyri at hava brotið innferðarlógina.