Bolsonaro fekk ikki viðhald

Fyrrverandi brasilski forsetin, Jair Bolsonaro, fekk ikki viðhald í kæruni um fortsetavalið herfyri. 

Tað skrivar Reuters.

Á valinum í oktober, tapti Bolsonaro fyri Lula da Silva í javnasta forsetavalinum í brasilsku søguni.

Hóast valnevndin hevur góðkent úrslitið, so avgjørdi Bolsonaro at kæra, eftir at tað kom fram, at brek var við telduskipanini, tá atkvøtt var elektroniskt. Men tey, sum høvdu ábyrgdina av av útgerðini, søgdu alt fyri eitt, at brekið ikki kundi broyta valið.

Bolsonaro bað myndugleikarnar strika tær atkvøðurnar, sum vóru elektroniskar, tí tað hevði havt við sær, at hann vann.

Tað gjørdi valnevndin ikki. Rætturin vísti eisini kæruni frá sær, og gav samgonguni hjá Bolsonaro eina bót uppá 30,6 milliónir kr. fyri at sáa iva um arbeiðið hjá valmyndugleikunum.

Luis da Silva tekur við sum forseti 1. januar.