- Tíðindi, mentan og ítróttur
Fiskiveiðiavtala við Russland
Fiskiveiðiavtala við Russland
Føroyar og Russland gjørdu í gjárkvøldið sínámillum fiskiveiðisáttmála fyri 2023
![](https://kvf.fo/sites/default/files/styles/grein-ovasta-mynd/public/vlcsnap-2022-05-02-10h22m00s979.png?itok=M8xqZMtW)
26.11.2022 - 11:35
Avtalan, sum nú er gjørd, hevur tillagingar, ið taka atlit at broytingum í fiskastovnunum.
Toskakvotan í Barentshavinum minkar 20 prosent í 2023, og hevur hetta við sær, at føroysku kvoturnar av botnfiski verða 20 prosent lægri enn í 2022.
Hinvegin hækkar føroyska rækjukvotan 1.500 tons.
Russisku kvoturnar av svartkjafti, makreli og norðhavssild í føroyskum sjógvi lækka.
Næsta ár eru føroysku kvoturnar í russiskum sjógvi 12.285 tons av toski, 1.276 tons av hýsu, 900 tons av flatfiski og 4.000 tons av rækjum.
Russisku kvoturnar í føroyskum sjógvi næsta ár eru 72.000 tons av svartkjafti, 13.000 tons av makreli og 8.500 tons av sild, íroknað hjáveiðu.
Nýggjastu sendingar í ÚV
Nýggjastu sendingar í SV