Skattalætti kostar hálva millión

Skattalættin hjá Vágs kommunu fer at kosta kommununi hálva millión næsta ár.

Skattaprosentið er lækkað úr 21,50 niður í 21,30 prosent. Men barnafrádrátturin er óbroyttur, 6.000 kr.  

Vágs býráð samtykti endaliga fíggjarætlanina fyri 2023 í gjárkvøldið.

Inntøkurnar eru mettar at blíva 71,6 mió. kr., 4,3 milliónir størri enn í ár. 

Raksturin kostar 62,5 milliónir, íløgurnar 7,85 milliónir, og avlopið, 1,2 milliónir, fer til at gjalda skuld.

Vágs Kommuna fer at rinda góðar tríggjar milliónir krónur í skuld næsta ár.

Renturnar eru góðar 300.000 kr.