Alex Jones farin á húsagang

Amerikanski samansvørjingar-teoretikarin, Alex Jones, er farin á húsagang.

Fyri trimum vikum síðani var hann dømdur at gjalda 965 milliónir dollarar í bót fyri sínar útsagnir. Tað svarar til góðar sjey milliardir krónur.

Hetta var í meira lagi, og Alex Jones boðar í dag frá, at hann er farin á húsagang.

Tað vóru útsagnirnar um skúladrápini á Sandy Hook-skúlanum, har 20 børn og seks vaksin lótu lív, sum høvdu við sær, at Alex Jones var dømdur.

Hann hevur alla tíðina sagt, at hendingin als ikki er farin fram.