SEV byggir battaríhøll á Sundi

SEV byggir battaríhøll á Sundi
Hetta er fyrsta stig á leiðini til at fáa meiri vindorku til høldar í meginøkinum, sigur Høgni Hansen, verkætlanarleiðari
Battaríhøllin á Sundi er reist, og gongst sum ætlað verður skipanin klár at taka í nýtslu í heyst.
Mynd: SEV  
 
06.12.2022 - 09:29

Fyrsta battaríhøllin er reist á Sundi.

Høllin skal hýsa neyðugari stabiliserandi tøkni, fyri betur at kunna gagnnýta vindorkuframleiðsluna í meginøkinum.

Skipanin í Suðuroy við battaríum og synkronkompensatori hevur roynst so mikið væl, at SEV longu er farið undir líknandi skipan í meginøkinum, skrivar SEV á síni heimasíðu. 

Skipanin, ið nú verður sett upp á Sundi, er tvífalt so stór sum tann í Suðuroy, men hon er bert ein fjórðing av tí orku, sum tørvur væntandi er á, um meginøkið eins og Suðuroyggin skal kunna hava við vindorku burturav, tá vindviðurskiftini tala fyri tí.

 

700 fermetrar

- Hetta er fyrsta stig á leiðini til at fáa meiri vindorku til høldar í meginøkinum, og eitt týðandi stig á grønu kósini. Tá skipanin er fult útbygd, kunnu vit í meginøkinum viðhvørt steðga oljuverkunum og hava vindorku burturav, sigur Høgni Hansen, verkætlanarleiðari, við heimasíðuna hjá SEV.

Høllin er góðar 700 fermetrar til støddar, og verður innilokað í næstum. 

Battarískipan og synkronkompensator koma til landið fyrst í nýggja árinum, og kaðallegging og aðrar tøkniligar fyrireikingar taka umleið hálvt ár. 

Væntandi verður skipanin á Sundi klár at seta í rakstur í heyst.

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592