Framgongdin er lítil

Lutfalsliga nógvar kvinnur bjóðaðu seg fram til hetta løgtingsvalið. Og tað hevur stórt virði í sær sjálvum, tí uttan sterka kvinnuumboðan á uppstillingarlistunum fáa vit 
ikki javnari umboðan, sigur Kristina Gry Berg, forkvinna í Demokratia.

Hon leggur afturat, at javnstøða kemur ikki av sær sjálvari, og at stríðið um javnari kynsumboðan í politikki krevur áræði og áhaldni. 

Demokratia fegnast um at 10 kvinnur vóru beinleiðis innvaldar á ting í ár. Í 2019 vóru bert 8 kvinnur beinleiðis innvaldar, men í 2015 vóru eisini 10 innvaldar, so framgongdin er ikki so stór, sum vit høvdu vónað. 

Hendan framgongdin - hóast hon er lítil - er úrslitið av einum felags innsatsi.