Sandoyggin onga umboðan í løgtinginum

Fyri fyrstu ferð er líkt til, at Sandoyggin fær einki lokalt umboð í løgtinginum.

Einki lokalt valevni fekk nóg nógvar atkvøður til at koma um tinggáttina, og tey liggja heldur ikki frammarliga millum varafólkini. 

Páll á Reynatúgvu á Sandi, sum hevur sitið á tingi fyri Kristinu Háfoss í Tjóðveldi, síðani hon í farna valskeiði fór í farloyvi, sigur, at fleiri orsøkir eru til støðuna, at Sandoyggin ikki longur er umboðað.

Hoyr innslag í útvarpstíðindunum:

Sólvit Nolsø, sum varð valdur á ting fyri Framsókn í gjár, er ættaður úr Dali og uppvaksin har.

Framsókn stillar tó ikki upp lokalt, ti flokkurin hevur ikki lokalfeløg. Sólvit Nolsø fekk 11 atkvøður í Sandoynni.