- Tíðindi, mentan og ítróttur
Sandoyggin onga umboðan í løgtinginum
Sandoyggin onga umboðan í løgtinginum
Tey, sum stillaðu upp í Sandoynni, liggja heldur ikki frammarlaga millum varafólkini
![](https://kvf.fo/sites/default/files/styles/grein-ovasta-mynd/public/pall_a_reynatugvu_tjodveldi-.jpg?itok=2fKuS5yH)
Páll á Reynatúgvu tók í farna valskeiði sæti á tingi sum varamaður hjá Kristinu Háfoss í Tjóðveldi, tá hon fór í stjórastarv hjá Norðurlandaráðnum.
Mynd: Bjarni Árting Rubeksen
09.12.2022 - 13:16
Fyri fyrstu ferð er líkt til, at Sandoyggin fær einki lokalt umboð í løgtinginum.
Einki lokalt valevni fekk nóg nógvar atkvøður til at koma um tinggáttina, og tey liggja heldur ikki frammarliga millum varafólkini.
Páll á Reynatúgvu á Sandi, sum hevur sitið á tingi fyri Kristinu Háfoss í Tjóðveldi, síðani hon í farna valskeiði fór í farloyvi, sigur, at fleiri orsøkir eru til støðuna, at Sandoyggin ikki longur er umboðað.
Hoyr innslag í útvarpstíðindunum:
09122022_Pall_a_Reynatugvu
Sólvit Nolsø, sum varð valdur á ting fyri Framsókn í gjár, er ættaður úr Dali og uppvaksin har.
Framsókn stillar tó ikki upp lokalt, ti flokkurin hevur ikki lokalfeløg. Sólvit Nolsø fekk 11 atkvøður í Sandoynni.
Nýggjastu sendingar í ÚV
Nýggjastu sendingar í SV