Givið øðrum burturav

45 ára gamli sniðgevin og stovnarin av talgildu sniðfyritøkuni Ueno stuðlaði alt árið í fjør teimum minni hepnu og økti atkomumøguleikar í Íslandi – ikki minst hjá rørslutarnaðum.

Sjálvur situr hann í koyristóli, tí hann síðani tvey ára aldur hevur havt eina vøddasjúku, so hann “kennir ikki til annað”, sigur hann.

Haraldur Þorleifsson hevur latið teimum pengar, sum hava havt tað trupult í farna árinum, men hann vil ikki siga, hvussu nógvar pengar hann hevur givið.

– Eitt ávíst frælsi fylgir við pengum, og tað er ikki altíð, at so nógvir pengar skulu til fyri at kunna gera ein mun, sigur hann í samrøðu við Morgunblaðið.

Skemtandi leggur hann afturat, at hóast grannskoðarin gremur seg um tað hvønn mánað, væntar hann ikki, at pengarnir verða uppi, fyri tað um hann hevur valt at givið burtur av tí, sum hann eigur.