Rávørur til matvøruídnaðin eru vorðnar bíligari

Prísurin á rávørum til matvøruídnaðin fall aftur eitt vet í desember. Tað var níggjunda mánaðin á rað, at rávøruprísirnir lækkaðu, vísir uppgerð frá ST.

NRK skrivar, at rávøruprísirnir í heiminum lækkaðu í miðal 1,9 prosent frá november til desember í fjør.

Tá kríggið í Ukraina brast á, fóru rávøruprísirnir at hækka, men fyri níggju mánaðum síðani fór at ganga hinvegin aftur. 

Heimsprísirnir á korni, kjøti og mjólk eru nú eitt prosent lægri enn fyri einum ári síðani.