Tað rakk ikki hjá H71

H71 segði í kvøld Evropa farvæl.

Kvinnurnar úr Hoyvík góvu alt, tær áttu, men tað rakk ikki til meir enn eitt tepurt 28-26 tap, og tí vórðu áttandapartsfinalurnar endastøðin í Evropa Cup.

Onnur áttandapartsfinalan var sera jøvn, men gjørdist ongantíð ordiliga spennandi. Trupulleikin var fyrri dysturin millum liðini leygardagin, har Atletico Guardés vann við trimum málum.

Gamaní, hoyvíkingar vístu bæði dirvi og dygd, men stóran part av dystinum var antin javnleikur ella tepur sponsk leiðsla.

Eina løtu sá gott út - toppskjúttin hjá H71, Maria Halsdóttir Weyhe, skeyt hoyvíkingarnar framum 23-22 og 24-23, og so restaðu bert tvey mál í. Tey komu bara ikki, og so vunnu favorittarnir úr Atletico Guardés við tveimum.

Spanska liðið, sum spældi báðar dystirnar á heimavølli, var mett sum favorittur undan dystunum, og tað livdu tær upp til, men H71 vísti aftur í ár, at tær kunnu standa seg í evropeiskari kapping. 

Atletico Guardés - H71 28-26 (13-12)

H71-toppskjúttar: Maria Halsdóttir Weyhe 7, Guðrið á Borg 4, Jana Mittún 4, Anna Elisabeth Halsdóttir Weyhe 3