Amnesty: Føroyar eiga at binda seg til at verja migrantarbeiðarar

Migrantarbeiðarar eru ein útsettur bólkur, sigur Turið Maria Jóhansdóttir, aðalskrivari í Amnesty.

Men um Føroyar høvdu undirskrivað og fylgt ST sáttmálum um verju av migrantarbeiðarum, so hevði støðan verið ein onnur hjá útlendsku arbeiðsfólkunum í Føroyum. 

ST-sáttmálin um verju av migrantarbeiðarum og familjum teirra ger tað ólógligt hjá arbeiðsgevaranum at gera mismun á starvsfólkum, sum eru ríkisborgarar, og so teimum, ið koma til landið at arbeiða.

Sambært sáttmálanum hava migrantarbeiðarar eisini rætt at senda inn klagur gjøgnum ávísa skipan, um tey ikki halda at teirra rættindi verða vird, sigur Turið Maria Jóhansdóttir, aðalskrivari í Amnesty.