Raðhús og sethús á Argjum

Tórshavnar kommuna fer nú at bjóða út lendi til íbúðir, raðhús og sethús á Argjum.

Lendið er oman fyri Klingurstjørn, skúlan og dagstovnin á Argjahamri og bústaðarøkið á Hamrinum.

Ætlanin er, at har skulu vera millum 170 og 190 bústaðir. Ætlanin er at bjóða bústaðabyggingina út í stigum.

Fyrsta stigið er lendið vestan fyri raðhúsaøkið á Viðargøtu. Har skulu byggjast 11 raðhús.

Við Klingurstjørn, Argir, 3:2 mynd

(Savnsmynd: Bjarni Árting Rubeksen)

Brúk fyri 3.000 nýggjum bústøðum
 
Sambært kommunuætlanini hjá Tórshavnar kommunu frá 2020 er brúk fyri 3.000 nýggjum bústøðum fram til 2032. 

Tað eru í miðal 250 nýggjar bústaðir um árið síðani 2020. 

Býráðið fer í dag at taka støðu til eitt tilmæli frá umsitingini um at bjóða lendi út til at byggja bústaðir, stovnar og vinnubygningar.

Eisini verður mælt til, at møgulig útbygging av skúlanum á Argjahamri verður við einari hædd omaná.