Vunnu gull og settu met

Tilsamans 46 svimjarar hava um vikuskiftið verið til svimjistevnuna Reykjavík International Swim Meet í íslendska høvuðsstaðnum.

14 svimjarar vóru úr SuSvim, 14 úr Havnar Svimjifelag, 12 úr Ægir og seks úr Fuglafjarðar Svimjifelag, og feløgini hava sjálv skipa fyri luttøkuni í Reykjavík.

Fleiri teirra stóðu seg væl, og millum annað eydnaðist Líggjasi Joensen úr Ægir fríggjakvøldið at vinna gull í 1500 metra frísvimjing.

Eisini vóru tvey føroysk met sett á langgeil.

Annað setti Róland Toftum úr SuSvim í dag í finaluni í 50 metra bringusvimjing, tá ið hann við tíðini 29,36 sekund tók sítt egna met, sum hann setti í Danish Open fyri seks árum síðani, afturi í 2017.

Og hitt setti Lea Osberg Højsted úr Ægi fríggjakvøldið, tá hon í innleiðandi riðlinum svam 50 metra bringusvimjing við tíðini 34,31 sekund, sum er bæði føroyskt met og juniormet.