Ov nógv sethús og ov fáar íbúðir

Elsa Berg, býráðslimur í Tórshavnar kommunu, heldur, at vit eiga at koma burtur frá hugburðinum um, at øll skulu hava síni egnu sethús

Elsa Berg, býráðslimur, heldur, at í Tórshavnar kommunu eiga færri sethús at verða bygd, og dentur eigur í staðin at verða lagdur á at byggja íbúðir. (Savnsmynd: Bjarni Árting Rubeksen)

Kári Mikkelsen

31.01.2023 - 12:20

Tað er alneyðugt, at Tórshavnar kommuna fær ein nýggjan bústaðarpolitikk, segði Elsa Berg, býráðslimur í Havn, á seinasta býráðsfundi, og sum verður endurgivin á in.fo.

Her hugsar hon um mátan, sum bygt verður í Havnini, har tað í høvuðsheitum eru sethús og raðhús, sum bygd verða, í staðin fyri fleiri íbúðir.

Býráðslimurin heldur, at vit eiga at koma burtur frá hugburðinum um, at øll skulu hava síni egnu sethús.

Elsa Berg

Elsa Berg er býráðslimur í Tórshavnar kommunu.

Sleppa ikki av við húsini

Elsa Berg sigur, at tað er eitt rættiliga stórt tal á sethúsum í Havn.

Samstundis eru tað nógv eldri fólk, sum vilja sleppa av við húsini, so tey kunnu flyta í eina minni íbúð í staðin. Men tað ber ikki til, tí tað eru alt ov fáar íbúðir á bústaðarmarknaðinum, vísti tjóðveldiskvinna á undir býráðsfundinum.

Hoyr innslag í útvarpstíðindunum:

31012023_Elsa_Berg