Báðar halda fram í nevndini

Birita Kjærbæk og Borgný Mohr halda fram sum nevndarlimir í Starvsfelagnum.

Tveir nevndarlimir stóðu fyri vali hesa ferð, og freistin at stilla upp fór í gjár.

Birita Kjærbæk og Borgný Mohr hava báðar sitið í nevndini frammanundan, og tær eru sostatt afturvaldar uttan mótvalevni. 

Tveir tiltakslimir skulu eisini veljast í nevndina í Starvsfelagnum, og tað verður gjørt á aðalfundinum 4.mars.  

Nevndarlimir verða valdir fyri trý ár og tiltakslimirnir í eitt ár. Nevndin fer at skipa seg á nevndarfundi 16.mars. 

Tveir menn og tríggjar kvinnur eru í nevndini í Starvsfelagnum. Súni Selfoss er formaður.