Ísland: Hýsir stórum fundi

Íslendski ríkispolitiovastin hevur millum annað boðað politileiðslunum í hinum norðurlondum frá, at brúk verður fyri hjálp og stuðli í sambandi við fundin.

Morgunblaðið skrivar, at hetta er fyrstu ferð, at íslendska politiið hevur leitað sær hjálp uttan fyri landoddarnar í sambandi við altjóða fund í Íslandi.

Hundraðtals politistar úr øllum Íslandi verða til staðar í Reykjavík undir toppfundinum, og hetta er størsta trygdaruppgávan, íslendska politiið nakrantíð hevur havt.

Millum annað er hon nógv størri, enn tá uttanríkisráðharrarnir úr øllum ES og øðrum samstarvandi londum hittust í Reykjavík í 2002.

Eitt av limalondunum í Europeiska Ráðnum er Ukraina, og millum gestirnar, ið kunnu væntast til Íslands, er ukrainski forsetin, Volodimir Zelensky.