Heri Reynheim verður formaður

Heri Reynheim verður nýggjur formaður í Havnar Arbeiðarafelag.

Tað upplýsir heimasíðan hjá Havnar Arbeiðarafelag.

Felagið hevur aðalfund leygardagin 4. mars, og fyrsta punkt á skránni er formansval.

Men av tí at bert eitt uppskot er um formann, og tað er virkandi formaðurin, Heri Reynheim, verður hann valdur uttan atkvøðugreiðslu.

Heri Reynheim tekur við formanssessinum eftir Hans Joensen, sála. 

Tveir nevndarlimir standa eisini fyri vali. Teir eru Sakari Hansen og Allan Clementsen. Báðir taka við afturvali.

Petur Dagfinn Højgaard, Jóhan Carl Dam og Martin Petersen stilla eisini upp til nevndarvalið.

Havnar Arbeiðsmannafelag broytti navn til Havnar Arbeiðarafelag í 2003.

Hoyr samrøðu, sum Ruth Winther Poulsen gjørdi við Hera Reynheim í útvarpstíðindunum: