Faroe Agency keypt eitt skip aftrat

Hannes Þ. Hafstein, íslendskt bjargingarskip, er selt til Føroya, skriva Fiskifréttir.

Fýra mans komu úr Føroyum í gjár eftir skipinum, og teir eru nú á leiðini til Føroya. 

Faroe Agency hevur keypt skipið, og stjórin, Karl Erik Reynheim, er sjálvur umborð á skipinum, nú teir nærkast Vestmannaoyggjunum, har teir bunkra, áðrenn teir leggja leiðina yvir hav til Føroya.

Skipið skal brúkast í loðs- og tænastuvinnu, sigur stjórin í Faroe Agency. 

Karl Erik Reynheim, Faroe Agency

Karl Erik Reynheim er stjóri í Faroe Agency.

Eiga tvey skip

Felagið eigur tvey skip, Annu og Mariu, og hetta triðja skipið skal eita Herborg.

Tveir mans vera við skipinum, tá ið tað er í vinnu. 

Skipið er bygt í Onglandi í 1982, og var keypt til Íslands í 2003.

Skipið skal umskrásetast og lúka krøvini hjá Skipasýninum, áðrenn tað fer í sigling. 

Karl Erik Reynheim og hinir tríggir umborð koma á Klaksvík seinnapartin í morgin.