Ov lítið pláss til gravir í Vestmanna

Vestmanna bygdarráð fer á fundi í kvøld at taka støðu til, hvat gerast skal við kirkjugarðarnar í bygdini.

- Verður einki gjørt, er einki pláss eftir til gravir um hálvtfjórða ár, sigur Bjørg á Rógvi, borgarstjóri í Vestmanna.

Tveir møguleikar eru, og bygdarráðið skal nú gera av, hvør av teimum, ið fyrstur verður settur í verk.

Vestmanna kommuna, Vestmanna

Kommunustýrisfundur verður í Vestmanna í kvøld. Eitt av málununum á skránni er kirkjugarðarnir í bygdini. 

Annar er, at elsti parturin av gamla kirkjugarðinum verður umskipaður, so mold verður koyrd útyvir, og gravast kann av nýggjum.

Hin er, at nýggi kirkjugarðurin á Knúgvum, sum er ovari í bygdini, verður bygdur út. Kommunan eigur øki til tað.

- Gera vit gamla kirkjugarð fyrst, skal arbeiðið gerast í einum og ganga so skjótt sum gjørligt, men byrja vit við nýggja kirkjugarði, kann tað gerast í stigum, sigur Bjørg á Rógvi.

Tá ið báðar ætlanirnar eru framdar, er tørvurin á gravum í Vestmanna nøktaður næstu 20 til 25 árini.