Askja hóttir við at goysa

Hann vísir á økta seismiska virksemið síðstu vikurnar og tað, at jarðskorpan er vorðin alsamt heitari.

– Tað kann fara at goysa í morgin, men tað kann eisini taka bæði mánaðir ella ár, áðrenn gosið kemur, sigur hann við Morgunblaðið.

– Men alt bendir á, at tilgongdin er komin so mikið langt áleiðis, at tað helst hendir skjótt, sigur Þorvaldur Þórðarson.

Eldgos í nánd
Loftmyndir hava víst, at vatnið í Öskju í løtuni hitnar nógv, og heitasti parturin av grótbræðingini er heitari enn 28 stig.

Eitt eldgos hevur verið væntandi síðani 2012, men áhugavert júst nú er, at granskarar kunnu fylgja við tí, sum hendir í gosfjallinum, við mest framkomnu útgerðini nakrantíð.

Þorvaldur Þórðarson vísir á, at seismiska virksemið í februar vaks so mikið, at hóast nógv kann ávirka støðuna hendaveg ella handaveg, so bendir alsamt meira á, at eitt eldgos er í nánd.

Síðstu ferð, Askja goysti, var í 1961.