Andrias Blaasvær vann Stella Polaris

Andrias Blaasvær vann fyrstu virðislønina, tá tónleikakappingin fyri ungar klassiskar tónleikarar, Stella Polaris, bleiv hildin um vikuskiftið. 

61 børn og ung úr øllum landinum luttóku í kappingini, sum var skipað í trimum aldursbólkum. 

Andrias Blaasvær, sum spælir violin, vann fyrstu virðisløn í elsta bólkinum. Helena Joensen á klaver vann aðru virðisløn, og Dan Eyðun Karbech Saxov á gittara vann triðju virðisløn.  

Tað er musikkskúlanevnd Tórshavnar Býráðs ið skipar fyri kappingini, sum bleiv hildin í Hátúni, sum er konsertsalurin í Tórshavnar Musikkskúla.